Ondel-ondel
Penyanyi: Benyamin Sueb
Ciptaan Djoko S.
Nyok, kite nonton ondel-ondel
Nyok, kite ngarak ondel-ondel
Ondel-ondel ade anaknye
Anaknye ngigel ter-iteranMak, bapak ondel-ondel ngibing
Ngarak penganten disunatin
Goyangnye asyik endut-endutan
Nyang ngibing igel-igelan*
Plak gumbang gumplak plak plak
Gendang nyaring ditepak
Yang ngiringin nandak
Pade surak-surak….Tangan iseng ngejailin
Kepale anak ondel-ondel
Taroin puntungan
Rambut kebakaran….Anak ondel-ondel jejingkrakkan
Kepalenye nyale bekobaran
Yang ngarak pade kebingungan
Disiramin aer comberan….(Ulang dari *)
he..he…he… lagu benyamin obat kangen gue waktu kuliah di yogya……, karena jauh dari keluarga, temen-temen yang ada di jakarta, akhirnya gue bawa kaset benyamin (ada 5 kaset)………., lagu-lagu lama ama Ida Royani………….., tetangga gue nyetel wayang, gue setel lagu Benyamin sekerasnya…….., akhirnya tetangga yang orang jawa matiin tape nya…., karena lagu Benyamin yang gue setel lebih reme…., sebelum balik ke Jakarta, kaset Benyamin gue di minta ama temen-temen yang dari daerah lain….., ach…………, ternyata Bang Ben bener-bener bisa nyenengin hati orang betawi yang lagi di jauh dari kampungnya…….
Comment by hilda — October 22, 2008 @ 9:27 am
Ondel-ondel umumnye pan bepasangan tuh, orang laki ame orang puan…nah ane masing penasaran nih, kire-kire ade nyang tau kagak namenye masing-masing tuh ondel-ondel?…ncang-ncing, abang-mpok skalian…?
Tabe’…Jali
Comment by Jali Jengki — November 4, 2008 @ 8:25 am